Das Zweite Hochgebet des Missale Pauls VI. geht auf eine Anaphora des heiligen (Gegen-) Papstes Hippolyt zurück. Wenn es auch stark verändert worden ist (vgl. hier und hier), hat Papst Benedikt XVI. es neben dem Canon Romanus in das Meßbuch der heimgekehrten Anglikaner "The Divine Worship - The Missale" aufgenommen und damit als klassisch geadelt.
Weil Papst Benedikt XVI. in seinem Motu Proprio "Summorum Pontificum" die "Alte Messe" freigegeben und dabei eine gegenseitige Befruchtung der beiden Meß-Ordines gewünscht hat, legt der Verfasser - sich damit vermutlich zwischen alle Stühle setzend - eine Fassung des Zweiten Meßkanons Pauls VI. nach den Rubriken des "tridentischen" Missale vor, zu der ein liturgiewissenschaftlicher Fachmann beigetragen hat.
Kommentare sind erwünscht - entweder über die Kommentarfunktion oder per Elektropost: mein Vor- und Nachname ohne Punkt und Komma bei ge-em-ix. de
CANON MISSÆ ALTER
secundum S. Hippolyti
dispositionibus Missalis Romani S. Pii V. Summi Pontificis accommodatus
verbis consecrationis Canonis Romani retentis
Adhibetur tantum diebus ferialibus sine Communicantes proprio
Per ómnia sǽcula sæculórum.
R/. Amen.
V/. Dóminus vobíscum.
R/. Et cum spíritu tuo.
V/. Sursum corda.
R/. Habémus ad Dóminum.
V/. Grátias agámus Dómino Deo nostro.
R/. Dignum et justum est.
Præfatio de tempore vel de die, aliter:
PRÆFATIO CANONIS ALTERIUS MISSÆ
Vere dignum et justum est, æquum et salutáre,
nos tibi, sancte Pater,
semper et ubíque grátias ágere
per Fílium dilectiónis tuæ Jesum Christum,
Verbum tuum, per quod cuncta fecísti:
quem misísti nobis Salvatórem et Redemptórem,
incarnátum de Spíritu Sancto et ex Vírgine natum.
Qui voluntátem tuam adímplens
et pópulum tibi sanctum acquírens
exténdit manus cum paterétur,
ut mortem sólveret et resurrectiónem manifestáret.
Et ídeo cum Angelis et ómnibus Sanctis
glóriam tuam prædicámus,
una voce dicéntes:
Sanctus, Sanctus, Sanctus Dóminus Deus Sábaoth.
Pleni sunt cæli et terra glória tua.
Hosánna in excélsis.
Benedíctus qui venit in nómine Dómini.
Hosánna in excélsis.
Finita præfatione, sacerdos extendens, elevans aliquantulum et jungens manus, elevansque ad cœlum oculos, et statim demittens, profunde inclinatus ante altare, manibus super eo positis, dicit:
Vere Sanctus es, Dómine,
osculatur altare,
fons omnis sanctitátis.
et, junctis manibus ante pectus, easque expansas super oblata tenens, dicit:
Hæc ergo dona, quǽsumus,
Spíritus tui rore sanctífica,
signat semel super hostiam
ut nobis † Corpus
et calicem
et † Sanguis fiant
jungit manus.
Dómini nostri Jesu Christi.
Qui prídie quam paterétur,
accipit hostiam,
accépit panem in sanctas ac venerábiles manus suas,
elevat oculos ad cœlum,
et elevátis óculis in cælum
ad te Deum Patrem suum omnipoténtem,
caput inclinat,
tibi grátias agens,
signat super hostiam,
bene † díxit, fregit, dedítque discípulis suis, dicens:
Accípite, et manducáte ex eo omnes.
Tenens ambabus manibus hostiam inter indices et pollices, profert verba consecrationis secrete, distincte et attente super hostiam, et simul super omnes, si plures sint consecrandæ.
HOC EST ENIM CORPUS MEUM
Quibus verbis prolatis, statim hostiam consecratam genuflexus adorat: surgit, ostendit populo, reponit super corporale, et genuflexus iterum adorat: nec amplius pollices et indices disjungit, nisi quando hostia tractanda est, usque ad ablutionem digitorum. Tunc, detecto calice, dicit:
Símili modo, postquam cœnátum est,
ambabus manibus accipit calicem,
accípiens et hunc præclárum cálicem
in sanctas ac venerábiles manus suas:
Item
caput inclinat,
tibi grátias agens,
sinistra tenens calicem, dextera signans super eum,
bene † díxit,
dedítque discípulis suis, dicens:
Accípite et bíbite ex eo omnes.
Profert verba consecrationis super calicem, attente, continuate, et secrete, tenens illum parum elevatum.
HIC EST ENIM CALIX SÁNGUINIS MEI
NOVI ET ÆTÉRNI TESTAMÉNTI:
MYSTÉRIUM FÍDEI.
QUI PRO VOBIS ET PRO MULTIS EFFUNDÉTUR
IN REMISSIÓNEM PECCATÓRUM
Quibus verbis prolatis, deponit calicem super corporale, et dicens:
Hæc quotiescúmque fecéritis, in mei memóriam faciétis.
Genuflexus adorat: surgit, ostendit populo, deponit, cooperit, et genuflexus iterum adorat.
Deinde disjunctis manibus dicit:
Mémores ígitur mortis et resurrectiónis ejus,
jungit manus,
tibi, Dómine,
signat semel super hostiam et semel super calicem, dicens:
panem † vitæ et cálicem † salútis offérimus,
jungit manus et caput inclinat
grátias agéntes quia nos dignos habuísti
astáre coram te et tibi ministráre.
Profunde inclinatus, junctis manibus et super altare positis, dicit:
Et súpplices deprecámur
osculatur altare et signat semel super hostiam, et semel super calicem,
ut † Córporis et † Sánguinis Christi partícipes
seipsum signat, dicens:
a Spíritu Sancto congregémur in unum.
Jungit manus.
Extensis manibus prosequitur:
Recordáre, Dómine,
Ecclésiæ tuæ toto orbe diffúsæ,
ut eam in caritáte perfícias
una cum Papa nostro N. et Epíscopo nostro N.
et univérso clero.
_____________________
In missis pro defunctis addi potest:
Meménto fámuli tui (fámulæ tuæ) N.,
quem (quam) (hódie) ad te ex hoc mundo vocásti.
Concéde, ut, qui (quæ) complantátus (complantáta) fuit
similitúdini mortis Fílii tui,
simul fiat et resurrectiónis ipsíus.
_____________________
Meménto étiam fratrum nostrórum,
qui in spe resurrectiónis dormiérunt,
omniúmque in tua miseratióne defunctórum,
et eos in lumen vultus tui admítte.
Jungit manus, orat aliquantulum pro iis defunctis, pro quibus orare intendit.
Manu dextera percutit sibi pectus, elata aliquantulum voce dicens:
Omnium nostrum, quǽsumus, miserére,
extensis manibus ut prius, secrete prosequitur:
ut cum beáta Dei Genetríce Vírgine María,
beáto Joseph, ejus Sponso,
beátis Apóstolis et ómnibus Sanctis,
qui tibi a sǽculo placuérunt,
ætérnæ vitæ mereámur esse consórtes,
et te laudémus et glorificémus.
Jungit manus.
Per Fílium tuum Jesum Christum.
Discooperit calicem, genuflectit, accipit hostiam inter pollicem et indicem manus dexteræ: et tenens sinistra calicem, cum hostia signat ter a labio ad labium calicis, dicens:
Per ip † sum, et cum ip † so, et in ip † so,
Cum ipsa hostia signat bis inter se et calicem, dicens:
est tibi Deo † Patri omnipoténti,
in unitáte Spíritus † Sancti,
elevans parum calicem et hostia, dicit:
omnis honor et glória.
Reponit hostiam, calicem palla cooperit, genuflectit, surgit, et dicit intelligibili voce vel cantat:
Per ómnia sǽcula sæculórum.
R/. Amen.
